Institut d'Estudis Occitans
Label Òc per l'Occitan

Òc per l’occitan

Lo label Òc per l’occitan fuguet creat en 2006 per l’Ofici per l’occitan associat a l’Institut d’Estudis Occitans.
Òbra a l’emplec de l’occitan dins la vita economica : comerçants, mestieraus, agricultors, associacions, professions liberalas, oficis de torisme,…

Queu label permet de botar en avant una identitat regionala, mòstra un interès per la lenga occitana e sa socialisacion.
Quand una entrepresa o una estructura receben lo label Òc per l’occitan, ‘las dintren dins un malhum de consomators que damanden un servici en occitan o produchs qu’afichen l’occitan.
Quò mania una practica novela, quitament per delai las frontieras, dins d’autres país de lenga romanica (Espanha, Portugau, …).

La charta deu label

Si chascun deus labelisats s’engatja a promòure l’occitan e lo label, eu chausís segon sas competencias que far emb la lenga.

Son tres niveus potenciaus d’engatjament :

label1

Niveu 1 : Quí, aimem l’occitan

Trobaratz quí de l’occitan escrich mai benleu un interlocutor que compren l’occitan.

label2

Niveu 2 : Quí, parlem occitan

Non solament veiratz l’occitan escrich a mai d’un endrech mas podretz quí trobar dau mins una persona que vos servira en occitan.

label3Niveu 3 : Quí, l’occitan es pertot

L’occitan es la primiera lenga de comunicacion  a l’orau coma a l’escrich, dins los eschamnhes internes o externes.

Los servicis comptats dins lo label

L’esquipa deu  label Òc per l’occitan promeu l’apelacion e sos aderents mercés a una comunicacion especifica : site internet, annuari papier, manifestacions culturalas e toristicas,…

→ Consultar la lista deus servicis ufrits aus labelisats

Per aver lo label

Fau s’engatjar dins de l’accions concretas pendent l’annada de labelisacion.

De las unas son obligatòrias segon los niveus : informacion deus empluiats sur la lenga occitana, sur lo label Òc per l’occitan, visibilitat deu label per la practica, difusion de l’annuari deus labelisats.

D’autras son facultativas, chascun poden chausir quò que lor plai lo mai, per exemple : messatge bilingüe sus lo respondeire, produch estiquetat en occitan, publicitat en occitan, papier de letras e communicacion de basa bilingües, anoncias oralas en occitan, brandon en occitan, site internet bilingüe, formacion deus empluiats noveus a l’occitan.

Per aderar, fau signar ‘na convencion entre l’Ofici per l’occitan e l’organisme labelisat, en far mencion deus engatjaments pres per valorizar la lenga occitana.

→ Per coneisser las modalitats de labelisacion

Òc per l’occitan regarda atot las collectivitats localas

En 2010, l’I.E.O. creet una certificacion Òc per l’occitan valabla per las collectivitats localas que volen promòure l’occitan.

Un quasern de las charjas prepausa 52 accions segon 3 tòcas :

Tres niveus de certificacion corresponden a tres niveus d’engatjament :

certif1

Niveu 1 :

5 accions de faire

certif2

Niveu 2 :

10 accions de faire

certif3

Niveu 3 :

15 accions de faire

→ Consultar la lista daus servicis furnits a las collectivitats certifiadas

→ Coneisser las modalitats de certificacion

L’annuari deu malhum Òc per l’occitan

oc-per-loccitan

Parlatz occitan, setz ’trapat de l’aprener, mas qu’es de las vetz malaisat de iò practicar. Veiquí un guide que vos ensenhara ente ’chaptar en occitan.
Si chausissetz de consultar mai que mai lo monde marcat dins quel annuari, prendretz part au desvelopament d’una economia occitana, en occitan.
L’i a gaire de temps, n’òm auvissia l’occitan dins las ruas. Qu’es pus entau au jorn d’aüei. Poder far sas pervesions en occitan es una reconquista de l’occitan dins la vita de tots los jorns.
Laidonc, natz-l’i, parlatz occitan chasque còp que podetz !

En Lemosin

→ Cu son los labelisats lemosins ?

L’I.E.O. Lemosin es una releva regionala dau malhum Òc per l’occitan : balançatz pas a nos contactar si voletz esser labelisat o per mai d’informacion.