Per parlar e far parlar…

Coma « Volontariat per aranés », « Volontariat per l’occitan » a per tòca de ’binar un « Volontari », qu’es quò dire ’na persona que mestreja plan l’occitan, e un « Aprenent », qu’es quò dire ’na persona qu’a fach los prumiers pas dins la lenga e qu’aimariá se ’trapar de la parlar.

– Avetz l’enveja de balhar la lenga ?
– Aimariatz la parlar correntament ?
Trantolhatz pas mai, marcatz-vos a l’operacion « Volontariat per l’occitan » !

« Volontariat per l’occitan » 2013

En practica

• Frequéncia : Aprenents e Volontaris se tornen trobar a chasque dos 1 ora per setmana pendent 10 setmanas dins un prumier temps. Puei, ren los empaicha de contunhar de se veire si vòlen.

• Luòc : Lo que lo monde chausissen, fòra d’un luòc de cors.
  Quò pòt èsser un luòc public partenari de l’eveniment (dins sas oras de dubertura) : cafès, bibliotecas, salas associativas, etc. qu’an ’n’ activitat de sosten a la lenga occitana.

→ Carta daus luòcs partenaris 2013 de « Volontariat per l’occitan »

Ren empaicha de chausir ’n’ autr’ endrech.

• Niveu de lenga :

Volontaris : i a mestier de pena certificacion de niveu de lenga, ’quò que compta, qu’es l’enveja de partejar sas coneissenças, sens far un cors.
Aprenents : monde que coneissen las basas de l’occitan e que voldrian èsser mai segurs de ilhs, ’ribar a parlar correntament e far ’na plaça a l’occitan dins lor vita de tots los jorns.

• Còdi de bonas practicas : Chasca persona que se marca s’engatja a iò respiechar.

→ Legir lo Còdi de bonas practicas

• Datas de l’operacion : « Volontariat per l’occitan » es programat de data a data au niveu nacionau, mas se pòt far tota l’annada en Lemosin.

• Se marcar : Per se marcar, qu’es gratis.

– coma « Aprenent » :

– coma « Volontari » :

Portatz vòstre papiron emplit o mandatz-lo a :

Librariá occitana, botica de l’Institut d’Estudis Occitans dau Lemosin
42, rua Viena-Nauta
87000 Limòtges
05 55 32 06 44
libraria.occitana@ieo-lemosin.org

A flor e a mesura de las inscripcions de chascun, nautres formem los « cobles lingüistics » que se trobaran puei per bargassar. Eissaiem de far d’afiu daus jorns de libres e daus centres d’interès de chascun.
Vos balharam de qué contactar vòstre parelh per fin de pausar lo prumier rendetz-vos.

Operacion enginjada per l’I.E.O. nacionau per lo prumier còp en 2011.