Institut d'Estudis Occitans
Label Òc per l'Occitan

Joan-Peire Lacomba



Lo Joan-Peire Lacomba s’es eslevat del costat d’a Briva. Vint-e-cinc ans de temps, se botet, coma tots sos reires, paisan, en Nauta-Coresa ente fasia venir de bestias lemosinas.

Anuech fai òbra d’escrire e de fòtògrafiar. Mai d’un projects son subre la sua taula de fustier d’autor, que sembla ben qu’esfregisse pas gaire.
Dona tanben de cors d’occitan e, a l’enchaison, se sap far contaire.

Çò que se pòt enginjar emb lo Joan-Peire :

Mòstras de fotòs

  • Tiradas daus libres Ostaus de Paisans, Memòrias de Coresa Ostaus paisans de Lemosin
  • Tiradas dau trabalh personau de l’autor sus los paisatges e la natura a la bròa d’Auvernha e de Lemosin

→ Visar las galerias de fotòs dau Joan-Peire Lacomba

Causarias

  • Lo torn del bastit rurau en Lemosin (o en Bas-Lemosin)
    Aquelas d’aquí pòdon esser presentadas emb l’ajuda d’un diapòrama.
  • Lo torn del recuelh de poemas Lo dever del vaure

Contes

Aquò se pòt far en francés, en occitan, o be en tot boirar las doas lengas.

  • Contes del Lemosin e d’un pauc pus lonh
  • Contes al fial de l’aiga : en tot partir de Dordonha nauta per tirar en aval…

Ne’n saubre mai

  • Legir :

Los libres agostats son marcats d’un’ esteleta (*).

Sentiers paysans – cronicas sus la ruralitat al jorn d’anuech, Ed. Cheminements, 2007.
Maisons de Paysans, Mémoires de la Corrèze – mai de mila fòtòs, de la plaça granda d’aqueus ostaus dins la nòstra civilisacion pacana, Ed. Lucien Souny, 2008.
Lo dever del vaure (emb la revirada en francès) – poemas, Ed. Lo chamin de sent Jaume, 2010, Premi Jaufre Rudel.
> *Maisons paysannes en Limousin – mai de sieis cents fòtòs del bastit rurau de nòstra region, pontieradas per de belas legendas, Ed. Geste, 2011.
> Brive et le Pays de Brive – libre collectiu sus lo patrimòni, Novelas ed. Loubatières, 2011.
L’or sous la cendre – roman, Ed. daus Monts d’Auvernha, 2012.
Lumières d’Aurillac (fotografias de Frederic Angot) – la vila contada en textes e en fotòs, Ed. de la Flandonnière, 2012.
Quatre-cents jours – poemas, Ed. Delatour-France, 2013.
Le Pays de Salers, terre de mille lieux (fotografias de Frederic Angot) – lo país contat en textes e en fotòs, Ed. Un Autre Reg’Art, 2013.
Salers, perle de la Haute-Auvergne (fotografias de Frederic Angot) – la vila contada en textes e en fotòs, Ed. Un Autre Reg’Art, 2014.
La Pèrla – un roman de John Steinbeck revirat en occitan, Ed. Letras d’òc, 2014.
Daus vistons dins la nuech – novelas, Ed. Letras d’òc, 2015.
> Collonges-la-Rouge, joyau du Bas-Limousin – lo borg contat en textes e en fotòs, Ed. Un Autre Reg’Art, 2015.
> Del lop e de la cèrvia (emb lo texte en francès sus la paja a costat) – un texte de Luc de Goustine revirat en occitan, Ed. Lo chamin de sent Jaume, 2015.
> E lo ser tombet, un còp de mai (emb la revirada en francès) – poemas, Ed. Lo chamin de sent Jaume, 2016.
> D’autras americas (emb la revirada en francès) – poemas, Ed. Delatour France, 2016.
> Ombres & Couleurs entre Dordogne et Puy Mary (fotografias de Frederic Angot) – lo país contat en textes e en fotòs, Ed. Un Autre Reg’Art, 2016.

→  ‘Chaptar

  • Escotar :

→ La langue de chez nous, emission mesadiera podcastabla sus RCF Corresa

  • Visar :

→ Lo site dau Joan-Peire Lacomba