Institut d'Estudis Occitans
Label Òc per l'Occitan

Perpausicions de bravéias, d’animacions

Aüei, l’I.E.O. Lemosin es un referent culturau daus pus importants en Lemosin.
Coneissem ben lo mitan artistic e culturau occitan, lo patrimòni istoric e lingüistic dau Lemosin e los que iò secorren ; aitanben, podem responer a totas las damandas d’animacion e d’organizacion d’evenimenciau dins quilhs domenis : velhada/pradelada contada, dançadis, concert, conferéncia/eslingada, mòstra, filme, teatre, lecturas, estagi…

Balançatz pas per nos contactar e nos dire de qu’avetz enveja.

Entrepreneire d’espectacles

Emb nòstr’ estatut d’entrepreneire d’espectacles, podem, si voletz, nos ocupar de tot çò que regarda los contrats, las declaracions e la paia daus artistas e autres intervenents.
Licéncia produseire d’espectacles : 2-1058773
Licéncia difusaire d’espectacles : 3-1058782

Sosten especific a la creacion artistica en Lemosin

L’I.E.O. Lemosin se balha per tòca d’acompanhar e de promòure los artistas d’expression occitana en Lemosin per :

  • la produsida d’espectacles ;
  • la produsida de supòrts fonografics e audiovisuaus ;
  • l’eissegada de bravéias ;
  • la comunicacion ;
  • la gestion administrativa e financiera.

Nòstres artistas e autres intervenents lemosins

→ Jan Alambre : concert
→ Benedicta Bonet : lecturas
→ Monica Burg : conte, lecturas
→ Micheu Chapduelh : conte, conferéncia/eslingada
→ Bernat Combi : concert, lecturas, teatre
→ Duò Combi-Peirat : concert
→ Duò Combi-Quenehen : concert
→ Companhiá Léonie tricote : espectacle per los pitits
→ Erms : concert
→ Francesa Etay : conferéncia, estagi de dança
→ Maria-França Houdart : conferéncia
→ Jan-Glaudi Jarric : conte
→ Joan-Peire Lacomba : conferéncia/eslingada, conte, mòstra de fotòs
→ Los d’a Roier : dançadis
→ Lunh de Pili : concert
→ Jan dau Melhau : conferéncia/eslingada, conte, lecturas, concert
→ Parar lo lop : teatre
→ Olivier Peirat : concert
→ Jan-Marc Simeonin : mòstra de gravaduras/dessenhs
→ Trïò Combi-Quenehen-Palis : concert
→ Trïò Peirat-Delaunay-Gallet : concert, dançadis
→ Jan-Francés Vinhau : eslingada, conte, pradelada comentada

La lista mai las presentacions de tot lo monde son pas ’chabadas, ’laidonc vos estonatz pas si trobatz en dire quauqu’un o quauqua res.

Share on FacebookTweet about this on TwitterFlattr the authorShare on Google+Digg thisEmail this to someoneShare on RedditPin on PinterestShare on StumbleUponShare on LinkedInShare on TumblrPrint this page