Institut d'Estudis Occitans
Label Òc per l'Occitan
  • Òc
  • Français
  • English

Chifras-claus

2020 : Enquesta sociolingüistica sus la practica e las representacions de la lenga occitana en Novela-Aquitània, en Occitània e en Vau d’Aran

Qui son ‘queus que parlen occitan ? Quantben n’i a ? Perqué se serven de l’occitan ? Coma l’an apres ? Lo transmeten e perqué ? Qué ne’n pensen ‘queus que lo parlen pas ? Una granda enquesta sociolingüistica fuguet enrotada debuta de 2020 per l’Ofici Public de la Lenga Occitana per eissaiar de balhar de las responsas.

8000 personas fugueren interrojadas sus la transmission, los usatges e las representacions de la lenga occitana en Novela-Aquitània, Occitània e Vau d’Aran, dins l’encastre d’un programa europenc (POCTEFA), emb las sòunas de l’Euroregion Novela-Aquitània Euskadi Navarra.

→ Descubrir la sintesa de ‘quela enquesta

→ Telecharjar totas las resultas de l’enquesta

2010 : Enquesta sociolingüistica – Preséncia, practicas e percepcions de la lenga occitana en Region Miegjorn-Pireneus

→ Telecharjar la sintesa de l’enquesta

→ Telecharjar los resultats de l’enquesta

2008 : Enquesta sociolingüistica – Preséncia, practicas e representacions de la lenga occitana en Aquitània

L’enquesta fuguet enrotada dins l’encastre de l’Amassada – Conselh de desvelopament de la lenga occitana en Aquitània. Lo mestre d’obratge ne’n era lo Conselh regionau d’Aquitània, emb las sòunas e l’ajuda tecnica daus cinc despartaments aquitans (Dordonha, Gironda, Lanas, Òlt-e-Garona, Pireneus-Atlantics) e de l’Estat (DRAC – Ministeri de la Cultura)

→ Telecharjar la sintesa de l’enquesta

2007 : Francoprovençau e occitan en Ròse-Aups

Apres ’n’apel d’òfra, la Region Ròse-Aups confiet l’estudi a l’Institut Pierre Gardette de l’Universitat catolica de Lion. ’Quel institut trabalhet emb l’ajuda de dos autres laboratòris lionés liats au CNRS e a l’Universitat Lion 2 (Interaccions, Corpus, Aprendissatges e Representacions ; Dinamica dau lengatge), d’un laboratòri de l’Universitat de Grenòble 3 (lo Centre de dialectologia) e dau Bureu per la lingüistica e l’etnologia de la Vau d’Aoste. ’Quel’ estudi es seguit de preconizacions.

→ Telecharjar los resultats de l’enquesta

2006 : Enquesta d’opinion en Auvernha

La seccion de l’Institut d’Estudis Occitans de la region Auvernha damandet a l’IFOP de far ’n’ enquesta d’opinion per conéisser las usanças e las representacions de la lenga regionala. En visar los resultats n’um compren que la lenga es quauqua ren d’important en Auvernha.

→ Telecharjar la sintesa de l’enquesta