Institut d'Estudis Occitans
Label Òc per l'Occitan

Botica

La Librariá occitana de Limòtges eisiguet en 1984.

Dempuei 2000, ‘l’es arregida per l’Institut d’Estudis Occitans dau Lemosin.

Quela librariá es per tots los que volen mielhs conéisser lo Lemosin e l’Occitània, per los que s’interessen a las lengas minorizadas. Los que parlen occitan, mai los que parlen pas l’i trobaran segur de qué far lor bonur.

enseigne_librairie_occitane_limoges_pt

© Josiane Pradoux

L’i trobaretz mai que mai daus libres…

Mai de 1000 libres, en occitan segur, o maitot en francés e bilingües. Daus libres qu’an de veire emb l’espaci occitan – emb ‘na colleccion importanta sus lo Lemosin – e las lengas minorizadas :

  • Contes, romans, novelas, poesia, teatre occitans ;
  • Obratges sus l’istòria, la cultura, lo patrimòni occitans : costumas, proverbis, contes, chançons, cosina, practicas religiosas, monuments, toponimia,… ;
  • Diccionaris, gramaticas, metòdas per aprener l’occitan ;
  • Obratges de lingüistica ;
  • Libres-jòunessa ;
  • Etc.

E un fai d’autras besunhas

  • de la musica occitana (CD) : daus trobadors a la musica d’aura, en tot passar per la musica tradicionala, lo rock, l’electro, lo ska…
  • daus filmes (DVD) ;
  • daus vestits ;
  • daus jaspissons, pòrta-claus, drapeus, badges, pendentius, de las cartas,… ;
  • mai daus quites produchs labelisats en occitan.

Un centre de ressorsas e d’animacion

La Librariá occitana es tanben ‘n’endrech d’informacion e de sensibilisacion a la lenga e a la cultura occitanas :

  • N’um l’i tròba de las entresenhas sus las manifestacions occitanas en Lemosin e alhors ;
  • Se l’i fai de las mòstras de temps qu’autre ;
  • Rencontras, velhadas, signaturas l’i se tenen regladament.

Atanben, qu’esperatz-vos per l’i nar trainar vòstras sòcas e despensar vòstras sòunas !

Ente nos trobar ?


Agrandir le plan

Oras de dubertura

  • Dimarts : 15h-19h
  • Dimecres : 10h-13h | 15h-19h
  • Dijeus : 15h-19h
  • Divendres : 10h-13h | 15h-19h
  • Dissades : 10h-13h | 15h-18h

→ Nos contactar

La botica en linha

Qu’es noveu dempuei la darriera, podetz visar nòstre catalògue en linha e comandar sus :

libraria-occitana.org

libraria-occitana

Profitatz ne’n !

Mesfiatz vautres ! Lo site es a jorn per çò qu’es de las noveutats e de la literatura lemosina. Per lo demai, qu’es pas complet per aura ! Mercès de pacientar enguera un pauc !

La Librariá occitana fai partida de

- L’associacion daus artisans e comerçants charriera Viena-Nauta ;
- L’Associacion daus Libraris Independents dau Lemosin (ALIL).

lalibrairiepointcom

La Librariá occitana es « punt librari ». Voletz ’chaptar un libre sus internet (quau que siá) ? ’Chaptatz-lo sus lalibrairie.com e venetz lo querre a la Librariá occitana !

Share on FacebookTweet about this on TwitterFlattr the authorShare on Google+Digg thisEmail this to someoneShare on RedditPin on PinterestShare on StumbleUponShare on LinkedInShare on TumblrPrint this page