Institut d'Estudis Occitans
Label Òc per l'Occitan
  • Òc
  • Français
  • English

Benedicta Bonet



La Benedicta Bonet es nascuda en 1964, d’una familha d’agricultors de Sent-Alari prep de Neiçon. Apres lo liceu de Sent-Iriès e un DEUG a la Facultat de Sciéncias Umanas de Limòtges, a dietz-e-nòu ans es « montada » trabalhar a Paris.

Tornada au país au bot de dietz ans, en 1993, a tornat trobar au còp, la natura, lo mitan rurau e la lenga de son enfança.

Quò es la chucada d’una sensibilitat esmiraudiada davant lo país aimat, los remembres de l’enfança enquera pròpcha, la vita que se drueba, l’amor que s’exprimen dins sos poemas e corts textes de pròsa.

Recitau de poesia

Los poemas de Benedicta Bonet fugueren botats en musica per daus membres dau grope Aura Venta de Pueg ’Gut (24).
Dins ’quel espectacle, la poetessa los declama sos fòrma de « slam », acompanhada de ’na guitarra e de ’n’ arpa.

Ne’n saubre mai

  • Legir :

Los libres agostats son marcats d’un’ esteleta (*).

Los uelhs sus terra – poesia, Ed. Novelum, 2000 (3esme Prèmi Jòrgi Rebol).
Biòlas d’aiga (emb la revirada en francés) – poesia, Ed. Novelum-IEO, 2004.
De bruja a ciau (emb la revirada en francés) – poesia, Ed. Novelum-IEO, 2009.
> Quauquaren en quauqu’un luec (emb la revirada en francés, illustracions Arnaud Pauthier) – poesia, Ed. Novelum-IEO, 2014. 

→ Acheter