Sem en 2023, annada d’Ostensions, las 73esmas en Lemosin. Fach culturau e particularitat lemosina, ‘quelas grandas processions que se fan tots los set ans son classadas au Patrimòni Culturau Immateriau de l’Umanitat dempuei 2013.

A Aissa, ‘las se faran los 20 e 21 de mai. Qu’era l’enchaison, per l’Ofici de Torisme de la Vau de Vinhana, de far valer la memòria collectiva occitana de la comuna a ‘queu perpaus. Emb l’ajuda dau Parc Naturau Regionau Perigòrd-Lemosin, a charjat l’IEO Lemosin de farjar una seria de pitas pastilhas filmadas de sovenirs de monde d’Aissa de las Ostensions.

Au mes d’abriu, Jan-Paul Faure e Jan-Francés Vinhaud angueren reculir e filmar los tesmonhatges de 3 Aissaus. La setmana passada, eran chas Mma Teti :

Aura, ‘chabat de filmar, qu’es l’ora de montar.  ‘Quela succession de tesmonhatges balharan un vintenat de minutas de filme au totau. Se podran veire sus lo site de l’Ofici de Torisme, sus los raseus sociaus, e dau temps de las Ostensions au mieg d’una mòstra sus ‘queu tema a la sala Yves Montand. Afar a segre !

N.B. : En esperar, tornatz trobar Mma Tetí dins lo darrier « Crin-Crau » !