Institut d'Estudis Occitans
Label Òc per l'Occitan
  • Òc
  • Français
  • English

Nòstra Fabiana Garnerin n’es pus

Qu’es emb beucòp de tristessa que vos fam part d’una bien meschanta novela. Nòstra amija e companha de rota de l’IEO Lemosin, Fabiana Garnerin, nos a quitat subitament…

Fabiana aviá jungut l’IEO Lemosin en 2015, s’era metuda a l’occitan ‘ciant’a passar ‘na tesi sus Joan Ganhaire en 2020, que veniá mas de ne’n far un libre. Elegida au Conselh Municipau de Maismac en Corresa e au PNR Miuvachas, implicada dins mai d’unas associacions de la Montanha lemosina, l’i obrava autorn de principes que li tenian a còr : solidaritat, dubertura aus autres e segur valorizacion de la linga e dau patrimòni locau.

A l’IEO Lemosin, era membra dau CA, viça-presidenta, teniá la librariá de temps qu’autre, fasiá de las animacions de ‘quí de ‘lai – ‘talier de linga, lecturas, conferéncias, permenadas –, nos acompanhava a l’Estivada de Rodés… qu’era quauqu’un sus ‘quí n’um podiá comptar. N’am pas ‘chabat de la trobar a dire.


< Totas las novelas