Institut d'Estudis Occitans
Label Òc per l'Occitan
  • Òc
  • Français
  • English

Nos mielhs conéisser

Una seccion regionala de l’I.E.O.

L’Institut d’Estudis Occitans dau Lemosin (I.E.O. Lemosin) es la seccion regionala de l’I.E.O. en Lemosin.
L’I.E.O., associacion culturala lei 1901, nasquet en 1945 emb las tòcas de mantener e desvelopar la lenga e la cultura occitanas dins tot l’espaci occitan.

L’I.E.O. es organizat en seccions regionalas, despartamentalas e cercles locaus.
De mai, diferents sectors e associacions afilhadas o membres de l’I.E.O. secorren activitats especificas.

L’I.E.O. es una associacion reconeguda d’utilitat publica (1949) e agradada Jòunessa e educacion populara (1986).

L’I.E.O. es membre dau comitat francés dau Bureu europenc de las lengas mens espandidas (EBLUL-France), e de las Rencontras Interregionalas de las Lengas e de las Culturas, qu’amassen daus representants de las diferentas lengas de França.

L’I.E.O. es maitot un club UNESCO.

→ Lo site de l’I.E.O. nacionau

Istoriau

Apres sa respelida e sa professionalizacion en 1999, l’Institut d’Estudis Occitans dau Lemosin fai partida aüei dau païsatge culturau de nòstra region.

Nascuda en 1977, la Seccion Regionala Lemosina de l’I.E.O. faguet tot plen de chausas dins los prumiers temps : setmana culturala occitana sus la plaça publica de Limòtges, estagis d’occitan, publicacions d’obratges, de revudas, etc. Dins las annadas 80-90, lo movement coneguet ’n’ activitat mindra.

lemosin

Dessenh © Jan-Marc Simeonin

En 1998, un pitit grope de personas prenguet lo plan de reviscolar e de professionalizar l’associacion « Institut d’Estudis Occitans dau Lemosin ».

→ Los estatuts

→ Nòstras missions

Aüei

Una esquipa permanenta de cinc salariats, que li aiden daus vacataris e daus intermitents de l’espectacle, interven sus tota la region Lemosin, l’est de la Charanta (Charanta occitana) e lo nòrd de la Dordonha. Qu’es per ’na bela part l’espaci lingüistic dau lemosin e una partida de l’espaci lingüistic de l’auvernhat.

→ L’esquipa salariada

L’Institut d’Estudis Occitans dau Lemosin, qu’es maitot ’na centena d’aderents eissegats dins tot lo Lemosin, que daus uns son membres dau Conselh d’Administracion.

→ Lo Conselh d’Administracion

→ Nos trobar

→ Partejar nòstras fasadas

→ Los que nos balhen la man