Çò que fasem
Per far eisir sas envejas, l’I.E.O. Lemosin se balhet cinc dralhas, que tascha moien de segre, sol o emb l’ajuda d’autres associacions o organismes :
La dralha pedagogica
Mesa en plaça d’animacions escolaras e de cors per los beus, intervencions dins de las formacions professionalas, creacion de gatges pedagogics.
→ Cors per los beus, estagis, obradors
La dralha culturala
Organizacion de bravéias de musica, chants e contes, participacion a mai d’unas manifestacions oficialas (Prima daus poetas, Festa de la Musica, A vos de legir, Estivada de Rodés,…), acompanhament a la frotjada daus artistas lemosins d’expression occitana, aisinament de mòstras, edicion de libres, CD e DVD, gestion de la Librariá occitana a Limòtges.
Lo contaire Ives Durand a Usercha per Coquelicontes (2011)
→ Perpausicions de bravéias, d’animacions
Rechercha e sauvagarda
Enquestas sus los saubre(-far) popularis (dins los ospitaus, las maisons de retirada e chas lo monde), recherchas dins los archius, trabalh sus lo conte e las literaturas oralas.
→ Questa de la memòria occitana
→ Participacion au project interregionau : « Patrimòni culturau e identitat territoriala – Lingas, musicas e danças tradicionalas en Massiu Centrau »
Socializacion de la lenga
Conselhs a las collectivitats per far valer lor patrimòni culturau occitan (panelatge bilingüe, festas a temas, animacions…).
La pincada daus paneus a Eschabrinhac (19) en 2011
→ Conselhs sinhalizacion bilinga
Vita de l’associacion
Eissegatge d’informacions, organizacion regulara de manifestacions culturalas a Usercha e alhors en Lemosin.
→ S’abonar a La Fuelha, letra d’informacion de l’I.E.O. Lemosin : laissatz vòstre corrièl dins lo formulari en bas a man drecha.