Lo darrier filme de l’IEO Lemosin a passat debuta de decembre sus França 3 (Lemosin, Peitau-Charantas e dins lo sud d’aiciant’ a Montpelhièr).
Qu’es nòstre prumier documentari montat sus lo format 52 minutas.

Benjamin Rosoux davant son camion d’espicier

Jan Plazanet

Tot dau long dau segle 19, daus pitits paisans paubres quiteren la Montanha per ‘nar bastir daus barris entiers de París o de Lion. Los ‘peleren los maçons de la Cruesa.
A la mesma epòca, d’autres partigueren coma boschairons o sejaires dins los bòscs de las Lanas o de Charanta.

Torneren dins lo país de lors reires emb los quauques sòus que s’avian ganhat e subretot de las eidéias novelas, ‘trapadas sus los chantiers coma los autres obriers : solidaritat, ajuda, lucha de las classas, egalitat, partatge. Fagueren eisir çò qu’un ‘pela aüei lo « comunisme rurau » e que demòra ‘na valor fòrta dins ‘quela partida dau Lemosin.

Mercès a mai d’un tesmonhatges diferents, en occitan e en francés, sus ‘quela tradicion que viu, n’um veu que los eveniments istorics que son ‘ribats apres : prumiera guerra mondiala, movements de resisténcia pendent la segonda, exòde rurau, guerra d’Argeria, etc… an pres sus ‘queu territòri un torn particulier.

Aüei una jòuna generacion a pres la releva dau movement. Autorn dau borg de Tarnac e de son espiçariá, quauqua ren de noveu es ‘trapat d’espelir per far viure d’un autre biais ‘quela Utopia generosa.

L’avetz pas vist d’enguera ?

Qu’es d’enguera possible sus lo blòg de Viure al País (emission occitana de França 3 Miegjorn-Pireneus e Lengadòc-Rosselhon), ente lo jornalista Benaset Ros faguet un brave article a ‘queu perpaus.

Quò que n’avetz dich

« Mardi matin quinze personnes au magasin (général) pour dire que c’était un bel hommage à Jean (Plazanet) et un beau film. »

« Magnific ! Mercé ! »

« Super, lo film ! Quo valia la pena d’esperar per lo veire… »

« Bravo pour ce documentaire que j’ai pu voir hier soir. Super bien fait. »

« Super documentaire… »

« Très beau reportage et témoignage… Super la musique !! »

« Vrai qu’il est bien beau ton docu !
Je viens de le regarder
Je fais tourner !
Salaud les deux dernières minutes m’ont même tiré une petite larme ! »

« Super lo subjècte ! »

« Felicitacions per aquel documentari, se fasem fèsta de veire qu’es difusit sus France 3, e mai amb d’occitan. »

« Bravo pour ce documentaire fort agréable et utile ! »