Lo CFPO de Miègjorn-Pirenèus, en collaboracion amb l’ALAE de la Calandreta de Còsta Pavada, met en plaça una formacion BAFA en occitan.

Aquela formacion se debana en tres partidas :

– una formacion generala : de l’11 al 18/04/2015 ;
– un estagi practic dins un acuèlh collectiu de minors amb o sens albèrgament ;
– un aprigondiment amb un tèma causit ligat a la lenga e a las culturas occitanas – en foncion de l’organizator : del 19 al 23/10/2015.

S’inscriure

Lo Brevet d’Aptitud a las Foncions d’Animator s’adreça al monde que vòlon trabalhar dins lo domeni de l’animacion.

Es un diplòma que permet « d’enquadrar a títol non professional, d’un biais ocasional, d’enfants e d’adolescents en acuèlhs collectius de minors ».

Aqueles acuèlhs an vocacion a ofrir als enfants e als joves d’activitats educativas adaptadas a lors besonhs, pendent los tempses de lésers e de vacanças. S’articulan a l’entorn del projècte educatiu de l’organizator e d’un projècte pedagogic elaborat en concertacion amb l’ensemble de l’equipa educativa.

> Prerequesits : Nivèl A2 en lenga occitana. Major de 17 ans.

> Tarifa : 660 € (Formacion : 400 € / Albèrgament : 250€ / 10€ d’adesion a l’associacion)
Finançaments possibles dins lo quadre de la formacion continua (DIF, Plan de formacion o de professionalizacion).
La CAF vos pòt autrejar una ajuda financièra de 91,47 € per l’ensemble de vòstra formacion.

Per ne’n saubre mai – Renseignements

CFPO de Miègjorn-Pirenèus (11, carrièra Malcousinat – 31000 Tolosa) – 05 61 23 99 51 – formacion@cfpoc.net