La setmana passada, lo Congrès permanent de la lenga occitana era uros de nos anonçar la mesa en linha d’un lexic de basa francés-occitan, version lemosina.

‘Queu lexic, de quauquas 14 000 entradas, es l’òbra de Danís Chapduelh, emb lo sosten de membres dau Conselh lingüistic dau Congrès.

Lo Lemosin fasiá fauta dins lo diccionari multidialectau en linha dau Congrès : veiquí un prumier pas per ‘dobar ‘quela manca.
Podetz visar lo diccionari sus ‘n’ordinator o ben sus vòstre telefonet en telecharjar l’aplicacion dicod’Òc.

→ Cherchar dins lo dicod’Òc