Institut d'Estudis Occitans
Label Òc per l'Occitan
  • Òc
  • Français
  • English

« Istoira de dire… a la mòda dau país »

Lo PNR Perigòrd-Lemosin desvelòpa de mai en mai sa politica de promocion de l’occitan coma patrimòni culturau dau Parc.
Per « tornar far prener a la linga sa plaça dins la vita de tots los jorns de la gent » (sic), mai d’unas accions an estadas o son menadas, sovent emb l’ajuda de l’Institut d’Estudis Occitans dau Lemosin. Per ne’n citar las mai recentas :

– la mesa en plaça daus rendetz-vos occitans Tambourinaire, programa de rencontra « alentorn de la cultura dau país, son istòria, sa linga » ;

– la creacion d’ustilhs de communicacion :

  • lo libreton « Peiregòrd-Lemosin, país occitan », eissegat un pauc pertot sus lo territòri dau Parc e que se pòt trobar sus lor site (clicatz sus l’imatge ‘quí-dessos per iò descubrir) :

perigord-lem_pais-occitan

  • lo jaspisson « Aquí parlem l’òc ! » :
aqui-parlem-l'oc

Tirat dau N°35 de la revuda dau PNR Perigòrd-Lemosin

  • la mòstra chaminairitz « Una linga que fai parlar lu país / Une langue qui fait parler le pays » que fuguet inaugurada au mes de julhet passat e que se pòt veire d’aicianta au 13 de setembre a l’Ofici de Torisme d’Orador de Vairas (87) :

linga-pais

→ Legir l’article dau Populari apres l’inauguracion dau 18 de julhet

Ujan, lo libreton de presentacion de las animacions dau Parc s’a parat de vertadieras colors occitanas emb, a la debuta de chasque mes un proverbi occitan (Micheu Chapduelh) e ‘na pita cronica que se ‘pela « Istoira de dire… a la mòda dau país » (Jan-Francés Vinhau), per mielhs comprener lo país e descubrir sa linga. Veiquí per exemple per los mes de julhet e d’aust :

julhetaust

D’autres projects per l’occitan deurian espelir en partenariat coma l’I.E.O. Lemosin dins los mes que venen :

– desvelopament de l’animacions occitanas per tots los publics, tan ben los beus dins de las « surtidas animadas » coma los pitits per de l’intervencions dins l’escòlas dau Parc ;
– edicion d’un obratge sus la « Memòria dau bois » ente siran assaradas las collectas que n’am menadas sus quela tematica.

Sem contents de veire que pitit a pitit, lo PNR a pres consciença de l’importança d’una cultura occitana que chercha aura a associar de mai en mai a tots sos noveus programas de desvelopament.


< Totas las novelas