La Dictada dau Pitit Nicolau #1, qu’era 3 textes de dictada mandat a las classas, aus cors e obradors d’occitan en Lemosin, Charanta e Dordonha au mes de març. Un biais de descubrir en avant-prumiera un bocin dau Pitit Nicolau en lemosin avant sa surtida lo 25 d’abriu 2019 e sa presentacion a Legir a Limòtges debuta de mai sus lo banc de la Librariá occitana.

La Dictada dau Pitit Nicolau #2, qu’es ‘na dictada bien mai corta per tots los que voldrian s’eissaiar chas ilhs a l’escritura de l’occitan :

1/ Descuberta dau texte de la Dictada
2/ Dictada
3/ Lectura finala

Texte legit per Domenica Decomps, la traductritz dau Pitit Nicolau en lemosin.
Emb la complicitat d’IMAV Edicions.

Per vos ajudar, quauquas reglas d’escritura a visar ‘QUÍ.

Bona dictada ! E rendetz-vos fin d’abriu per la correccion !