« En 2015, lo CFPO MP prepausarà tres accions qualificantas, en partenariat amb lo CFPÒC d’Aquitània :

• la formacion Escapolaire a la lenga occitana per un public de començaires (FOAD A2)
• la formacion Avançada a la lenga occitana, per un public ja avançat (FOAD B2)
• la formacion Perfeccionnement a la lenga occitana, per un public que parla e escriu ja correntament (FOAD C1)

Començament de las accions : 10 de genièr de 2015

Dubèrta a cadun, aquestas formacions son prepausadas dins los tres dialèctes de l’occitan d’Aquitània e de Miègjorn-Pirenèus ; lo lengadocian, lo lemosin e lo gascon. Son objectiu es doble :

• permetre als estagiaris de se qualificar en lenga occitana (nivèl A2, B2 o C1 del CECRL)
• lor far descobrir un mestièr ligat a la lenga e/o la cultura occitana.

Pel nivèl A2, los estagiaris seguisson 150 oras de formacion per visioconferéncia, conferéncia telefonica e presentacion de documents en linha.

Pel nivèl B2, an tanben 160 oras de formacion, per fin de consolidar e valorizar los aquesits e aital poder aténher lo novèl B1 o lo nivèl B2 del CECRL en fin de percors, segon las competéncias aquesidas.

Pel anar cap nivèl C1, son 190 oras mai de formacion que permeton de perfeccionar sas coneissenças e abordar las subtilitats de la lenga. Aquel nivèl permet d’obténer la capacitat de compreneson dins totes los dialèctes de la lenga occitana.

En mai dels corses setmanièrs (3 oradas de cors + 3 oradas de trabalh personal, las tres accions preveson quatre regropaments dins l’annada e un estagi d’al mens 35 oras dins una estructura emplegaira que l’occitan i es la lenga de trabalh mai correnta.

Sièis meses d’aprendissatge son l’equivalent de doas annadas de corses setmanièrs d’una ora e mièja. Un aprendissatge intensiu que permet una progression rapida e eficaça dins la mestritge de la lenga, e que, per son organizacion coma de corses del ser, daissa als salariats una granda soplesa d’organizacion e permet a cadun de seguir lo cors dirèctament dempuèi son ostal. »

> Tarifas : 740 € ; redusit 590 € ; adesion 10€
> Rapel : Las formacions del Cfpo se pòdon inscriure dins lo quadre de la formacion professionala de contunh (DIF, CIF, plan de formacion)

Per ne’n saubre mai

Cfpo Miègjorn Pirenèus (11, carrièra Malcosinat – 31000 Tolosa) – 05 61 23 99 51 – http://www.cfpoc.net/