Institut d'Estudis Occitans
Label Òc per l'Occitan
  • Òc
  • Français
  • English

« Dau vargier a la ‘sieta !

Qu’es lo nom daus obradors que mena Jan-Màri Caunet de l’I.E.O. Lemosin per la segonda annada dins de las classas dau Parc Naturau Regionau Miuvachas.

Antan qu’era a Aimostier, Juòus, La Noalha e Lo Lonzac. Ujan, ‘quò regarda 8 classas a Peira Levada (3), La Noalha (1), Sent Iriès (1), Roièra (1), Suçac (1) e Neda (1).

De las animacions  per far conèisser aus pitits lo trabalh de la terra, coma far venir las legumas, la varietat de las raças, las sasons ente las ‘massar, las gostar e saber las cosinar…

L’enchaison de far passar daus saubre-far locaus, de las recetas tradicionalas, e daus mots de lenga, tot quò que fai partida dau patrimòni culturau dau Parc.

Classas Parc

Quilhs obradors fan partida de las « Classas Parc », tot un programa d’educacion escolara perpausat per lo Parc a las escòlas de son territòri, que chausissen chasqu’ annada ‘quò que las interessa.

L’I.E.O. Lemosin es partenari dau Parc per doas classas :
– « Dau vargier a la ‘sieta ! – Du jardin à l’assiette »,
– e « Que disen los noms de vialatges ? – Enquête toponymique dans mon village » : per ‘quela-‘quí, qu’es Jan-Francés Vinhau que interven dempuei 3 o 4 ans a la damanda.

Per ne’n saubre mai

→ Legir Dau vargier a la ’sieta !, dins Millevaches, jornau dau PNR de Miuvachas en Lemosin, a la prima de 2014


< Totas las novelas