Institut d'Estudis Occitans
Label Òc per l'Occitan
  • Òc
  • Français
  • English

Lo D’ÒC Show a Limòtges

ÒCtele, chadena de television generalista que emet en occitan sus internet dempuei 2013, sirá a Limòtges dijeus 22 de feurier a 8 oras e demia de l’enser per virar son emission la mai coneguda, lo D’ÒC Show, en directe de la Biblioteca Francofòna Multimedia de Limòtges, emb l’ajuda de l’IEO Lemosin.

Lo D’ÒC Show es una emission de 2 oras, pradelairitz, en linga occitana, en directe e en public.

‘Queu dijeus 22 de feurier, aurá per tema : « Lemosin, terra occitana ? ».

Quaus rapòrts entreten ‘queu territòri emb la linga e la cultura occitanas ? Ente ne’n sem de l’ensenhament apres la sinhatura d’una convencion de desvelopament entre la Region Novèla-Aquitània, lo Rectorat de Limòtges e l’OPLO (Ofici Public de la Linga Occitana) ? Limòtges es-‘la a la tauvera dau territòri occitan ? Qualas accions culturalas per la linga son menadas per las diferentas estructuras localas ? L’occitan es-t-eu mai viu ‘quí qu’alhors ?

Alentorn dau presentator Silvan Carrère, los convidats vendran parlar de tot ‘quò-‘quí emb daus zooms variats sus l’ensenhament, la ruralitat, l’economia, lo teatre, la literatura…

L’emission sirá en directe e en public a 8 oras e demia de l’enser, a la Biblioteca Francofòna Multimedia de Limòtges.

Per venir veire l’emission, vos demandem d’èsser ‘quí un pauc mai d’abora, a las 8 oras. Fau venir !

TeaserDOCshow28

Rendetz-vos lo dijaus 22 de heurèr en Lemòtges entàu prumèr D'ÒC Show de l'annada : "Lemosin, tèrra occitana" Silvan Carrère IEO Lemosin – Libraria occitana Occitan à Limoges Bibliothèque Francophone Multimédia

Publiée par ÒCtele sur jeudi 15 février 2018


< Totas las novelas