David Grosclaude, conselhier regionau d’Aquitània es en chauma de la fam au conselh regionau a Bordèu dempuei lo 27 de mai.
Damanda la parucion au jornau oficiau dau decret de creaccion de l’OPLO (Ofici Public per la Linga Occitana), project votat per las amassadas regionalas d’Aquitània e de Miegjorn-Pireneus en junh de 2014 !

L’OPLO sirá un organisme interregionau que servirá a promòure una politica per la linga occitana, dins mai d’un domenis, dins l’eidéia d’un vertadier desvelopament de la lenga.

Dempuei ueit jorns, l’accion de David Grosclaude recep daus sostens de pertot : au jorn d’uei, son quauques 150 deputats, senators, euròdeputats, meras e adjunts, conselhiers regionaus e despartamentaus a « exijar lo respiech per l’Estat de decisions votadas a l’unanimitat per doas amassadas regionalas ».

De las accions de sosten se tenen aüei un pauc pertot.
Una peticion en linha a desjà reculhit pas luenh de 5000 signaturas : trantolhatz pas per iò signar, e subretot fasetz iò saubre.
Ajudatz David Grosclaude en far conéisser son accion lo mai possible autorn de vos.