Fin de setembre, l’Institut d’Estudis Occitans dau Lemosin, Òc-bi Lemosin-Perigòrd (associacion per lo bilingüisme francés-occitan dins l’ensenhament public), lo Felibritge – Mantenéncia dau Lemosin, emb lo sosten de Calandreta lemosina, organizavan una conferéncia de premsa per denonciar la situacion catastrofica de l’ensenhament de l’occitan en Lemosin.
L’Academia de Limòtges signet una convencion de desvelopament de l’ensenhament de l’occitan en 2018 : pen objectiu dich « minimau » de la convencion a estat segut.

A la rentrada 2024, l’ensenhament de l’occitan dins l’Academia de Limòtges qu’es :
– 140 elevas en occitan (escòlas, collegis, liceus sus 3 despartaments), ‘laidonc que i a 10 ans, n’i aviá ‘tertant dins lo sol collègi de Selhac.
Dins lo despartament vesin de la Dordonha, mai de 1000 elevas estudien l’occitan aüei.
– pen ensenhament en Cruesa, despartament qu’es clarament pas dins las prioritats de desvelopament : ujan, maugrat ‘na deliberacion a l’unanimitat per la creaccion d’una classa bilingüa occitan-francés de la comuna de Feurçac, l’Academia a refusat la damanda de dos regents de Cruesa (dont un de Feurçac) de se formar a l’occitan. Es-‘quò normau ?

→ Legir nòstre article a ‘queu perpaus

Ressons dins la premsa

França 3 Lemosin

« Les élus ne se réveillent pas alors que notre territoire a une histoire très riche ! » : la langue occitane en danger sérieux d’extinction

7ALimòtges

Aquò d’aquí

En Limousin l’occitanisme refuse que l’Académie sacrifie l’enseignement en langue occitane