Pas la pena d’èsser un grand gramatician, ni de parlar finament la lenga per venir far ‘quela dictada – que se ten lo mesme jorn dins mai de trenta vilas occitanas e catalanas. L’enchaison de parlar l’occitan, de l’escriure, ‘quò segur, e maitot de balhar enviá de iò (tornar) descubrir e partejar.
Joan-Peire Lacomba
Ujan, qu’es lo Joan-Peire Lacomba que sirá a l’onor. Autor-fotografa autodidacta, Joan-Peire es un tipe “dau país” : s’elevet dins los ranvers de Briva, puei faguet elevaire de vachas lemosinas en Nauta-Corresa pendent 25 ans. En 2007, plantet tot per se botar vertadierament a escriure e far de la fotò. Sos prumiers libres porten tesmonhatge d’una ruralitat viscuda, ne’n faguet mai d’uns sus lo patrimòni bastit en Lemosin, e un recuelh de poemas en occitan qu’aguet lo prèmi Jaufre Rudel en 2011. Dempuei 8 ans, sa taula d’autor sembla gaire frejir ! Ven nonmas de far parèisser la revirada d’un roman de John Steinbeck, La Pèrla…
Pausa en musica coma La Fille du Fermier. Remesa de diplòmas e un grelon per ‘chabar.
Per ne’n saubre mai e se marcar
Libraria occitana (26, rua Viena-Nauta) – 05 55 32 06 44 o passar a la botica