Coma tots los ans, la Librariá occitana aurá sa plaça au salon dau libre de Limòtges.
Ujan, la Librariá occitana convida :
- Benedicta Bonet que vendrá sinhar son quatresme recuelh de poemas Quauquaren en quauqu’un luec (Ed. IEO Novelum, 2012-2014). Eisida de ‘queu país arediu de chastenhs e fonts claras, tuquets e pradelons, Benedicta Bonet, dins sa sinceritat e sa simplicitat, chanta son enraijament dins son terraire. Libre bilingüe occitan-francés.
- Jacqueline Lapouge per sos braves libres sus lo patrimòni dau País daus Fuelhaires : Au pays des Feuillardiers, la vita dau País a comptar de 1900 en fotòs, e Des pierres et des hommes, ‘quelas peiras que tesmonhen d’un passat – patrimòni bastit, peiras escultadas, peiras a legendas,… –, que fan partida de l’istòria dau país, mai ‘quilhs òmes que l’i visqueren e lo marqueren per lor mestier, lors tradicions, lors cresenças e costumas. Libres en francés.
Trobaretz maitot sus nòstre banc un brave assurtiment de l’actualitat literària occitana.
Vos esperem per platussar, mai perqué pas per enrichesir vòstra biblioteca !
En mai :
Una mòstra dau pintre Arnaud Pauthier, illustraire dau libre de Benedicta Bonet, se tendrá dau 10 d’abriu au 2 de mai a la Librariá occitana.
→ Ne’n saubre mai
Per ne’n saubre mai
Librariá occitana – 05 55 32 06 44
